Godiva Chocolatier (崇光百貨) (已結業)

一直以为呢间野好好食，食过几次之后，真心觉得只系品牌效应，味道好一般！唔通系西式口味所以唔啱我？因为日本royxx 啲贵价朱古力我都觉得唔错！早前买咗一盒黄色包装朱古力，大概三百几蚊，唔算平，算系贵价嘢，不过味道真系好一般，包装正常，叫做由佢哋牌子喺上面咁啰。味道来讲，好死实，朱古力唔算细滑，有朱古力味，不过死甜为主，一盒有好多只口味，好可惜，每只口味都唔出色。尤其是白朱古力，完完全全系死甜，完全冇白朱古力应有嘅香味，奶香之类。一盒朱古力咁贵，好可惜，食之无味，弃之可惜，揼咗佢又觉得浪费咗几百蚊，真系去超级市场买啲几蚊鸡嘅仲好。