影片
更多
2024-05-16
453 浏览
已经唔系第一次到日本过江龙拉面店「GOGYO五行」用膳，而作为海鲜控嘅我如今再次光临，绝对系冲住餐厅嘅期间限定「浓厚龙虾沾面」而嚟。虽然餐厅系拉面店，但地方宽敞又舒服，环境上就结合咗日式居酒屋同西式酒吧嘅设计。餐厅除咗有提供拉面和沾面外，亦有不同嘅佐酒小食、寿司、主菜、甜品同手工啤酒等食物同饮品。浓厚龙虾沾面龙虾沾面绝对不负我所望，原条龙虾尾以慢煮方式烹调，入口爽弹又鲜味十足，龙虾尾亦早已拆肉以方便进食，餐厅实在非常细心！汤底浓郁而不失鲜甜同咸香味，满满都系海老同埋豚骨嘅精华，配上爽弹嘅面条就可以完美地挂满汤底嘅精华。其实汤底嘅原味已经好浓郁，餐厅仲额外提供海老味噌，令汤底嘅鲜味变得更有层次！沾面更配搭咗叉烧、芝士脆饼、半熟玉子、紫甘蓝泡菜、水菜同巴马臣芝士，丰富得嚟又有层次！食完沾面仲可以将饭加入汤底之中而变成炖饭，芫荽更可增添清新嘅元素，食落去都特别滋味！焦香味噌和牛三文治面包烘至香脆可口，而牛肉则用上鹿儿岛和牛，入口肉味香浓而充满脂香感，配上咸香嘅味噌就已经好好味，再配以旁边甜甜酸酸嘅芥末就变得更有层次，又有解腻嘅作用！自家制免治鸡肉鸡肉肉质松软而充满肉香味，内里夹杂咗香葱，食落
已经唔系第一次到日本过江龙拉面店「GOGYO五行」用膳，而作为海鲜控嘅我如今再次光临，绝对系冲住餐厅嘅期间限定「浓厚龙虾沾面」而嚟。
虽然餐厅系拉面店，但地方宽敞又舒服，环境上就结合咗日式居酒屋同西式酒吧嘅设计。餐厅除咗有提供拉面和沾面外，亦有不同嘅佐酒小食、寿司、主菜、甜品同手工啤酒等食物同饮品。
浓厚龙虾沾面龙虾沾面绝对不负我所望，原条龙虾尾以慢煮方式烹调，入口爽弹又鲜味十足，龙虾尾亦早已拆肉以方便进食，餐厅实在非常细心！汤底浓郁而不失鲜甜同咸香味，满满都系海老同埋豚骨嘅精华，配上爽弹嘅面条就可以完美地挂满汤底嘅精华。其实汤底嘅原味已经好浓郁，餐厅仲额外提供海老味噌，令汤底嘅鲜味变得更有层次！
沾面更配搭咗叉烧、芝士脆饼、半熟玉子、紫甘蓝泡菜、水菜同巴马臣芝士，丰富得嚟又有层次！食完沾面仲可以将饭加入汤底之中而变成炖饭，芫荽更可增添清新嘅元素，食落去都特别滋味！
焦香味噌和牛三文治面包烘至香脆可口，而牛肉则用上鹿儿岛和牛，入口肉味香浓而充满脂香感，配上咸香嘅味噌就已经好好味，再配以旁边甜甜酸酸嘅芥末就变得更有层次，又有解腻嘅作用！
自家制免治鸡肉鸡肉肉质松软而充满肉香味，内里夹杂咗香葱，食落去就更为清新可口，配上日本蛋黄后，入口更为湿润又creamy，味道亦变得更为丰富！
生菜明太子豚腩卷脂香感十足嘅豚腩充满肉香味之余，又不油腻，配上咸香嘅明太子同爽口嘅生菜不但增添清新嘅感觉，亦令口感更为丰富，三者配搭得宜又好味！
盐味豚腩豚腩入口咸香，肉香味十足，而肉香味之中又不失脂香感，口感爽弹又惹味！
整体而言，今次用餐后发现餐厅食物质素不但有水准，更比早前到访嘅时候进步了不少！而服务更加系非常贴心，不时留意我哋嘅需要，又不时主动询问我哋嘅意见，可见餐厅力求进步，绝对值得称赞！
张贴
