Goobne Chicken (V Point)

营业中

休息中

韩国炸鸡系我嘅至爱，几乎每个星期都要食3~4次炸鸡，身边好食嘅炸鸡店几乎都食过。但系成日食炸鸡仲饮埋啤酒会好易肥，太多炸物又热气，所以最近就改食左烤鸡啦。之前一直以为goobne都系炸鸡，因为佢哋嘅脆皮烤鸡都好似炸鸡咁一样口感，完全唔知系烤出嚟嘅，而且都冇裹面粉，唔会咁易肥。后尾试左佢哋家其他味嘅烤鸡先知系烤出黎嘅，肉汁好多，烤鸡嘅味道更加香。听讲出了新口味蜜糖香滑烤鸡，甜咸口味嘅未试过所以就叫左份啦，oh my God好好食 感觉开辟左新大陆咁，似系食左牛油蜂蜜薯片一样停唔到口，而且软软嘅口感同香浓嘅酱汁搭配更加特别。仲有杯鲨鱼之泪一定要试下，又好玩又好饮 系杯好岩烤鸡嘅嘅一款冻饮。虽然香港有好几间分店，但铜锣湾呢家店因为风景很好，所以常嚟。服务都好好，老细系韩国人都几亲切，只系晚饭时间人多可能会要等位，之不过肯定系抵你等嘅好味道。