藏 (已結業)

朋友推介过话好味，咁我就去试试。总括黎讲，食物系好高质，服务同环境都好好，非常对得住个价钱。听完师傅同侍应介绍个menu后，决定试下个日本云丹海胆伊势海老丼。一开始上既系沙律同茶碗蒸。茶碗蒸蒸得好滑，有浓浓上汤味。沙律就正常发挥，菜好新鲜爽口，总之材料唔系hea。主菜等咗一阵先上，因为师傅话系新鲜龙虾，要即㓥，所以要D时间处理。主菜一上台就俾个presentation惊艳到，同行友人表示好羡慕。至于味道呢，龙虾肉爽口鲜甜弹牙，龙虾箝全部已经拆晒肉，一啖咬落个龙虾箝度，感觉超奢侈同满足！轮到个北海道马粪海胆，好甘好浓好鲜甜，入口即溶，少少腥味都无。仲有旁边碟龙虾膏，又系唔洗自己拆，可以一羹羹咁直接摆入口，真系好叹好爽。而个酸姜都好特别，侍应姐姐话系师傅特别处理过，加咗柚子落去，所以酸酸甜甜好清新，平时唔特别食酸姜既我都食咗好多旧。最后甜品我拣咗师傅自家制蕨饼，食完真系有大满足既感觉。总结一下，呢间餐厅系几有heart做，师傅好有心机同你讲解D食物，全程倾得好开心，侍应都好有礼貌，环境又舒服。斋睇个餐牌你未必觉得平，但食完你会知D食材有几坚几新鲜，其他餐厅同一质素相信可以再卖贵好多。希望k