Branto 印度素食餐廳

营业中

休息中

Green Monday揾食，其实印度菜都系一个唔错嘅选择；可以选择嘅菜式都比较多。今晚就嚟呢度开饭啦...呢度嘅餐牌大部份都有中英文对照，所以点菜唔会太困难。点咗份乳酪炸米饼粒＋同想试多d唔同嘅嘢，所以点咗个Special Branto Indian Thali套餐。乳酪炸米饼粒，外皮炸得好脆；入面凉凉嘅甜甜酸酸乳酪好开胃。套餐有7个小兜仔、有2兜系d豆同瓜嘅蔬菜（1个系茄汁味，1个咸味）2兜分别叫Dal Fry豆蓉咖哩酱汁同Rasam阿参辣酱汁、1兜都几咸吓嘅汤、1兜甜酸乳酪；同埋1个超级甜嘅甜品。仲会跟埋1碗白饭、2件烤饼同2件蔬菜炸物。**都知道印度嘅甜品系偏甜，所以我一向唔点。点完菜之后每台都会送上一份印度沙律＋罗宋汤。埋单前侍应再攞番套餐入面𠮶兜米白色，超级甜嘅甜品比我地食。我地话唔需要啦，佢系咁话Free...叫我地食；为咗唔浪费咁唯有队埋佢啦。总结味道唔错，而且价钱亦合理。套餐入面嘅配酱，可能没必款款都适合香港人口味。下次会再嚟试其它口味嘅咖哩。