一心素食 (已結業)

预先用TABLEMAP订位, 既可储分黎到又唔洗等位~ 餐厅好大, 我地一行3人都被安排坐一张6人台, 不过台偏高所以就坐得唔多舒适, 而且冷气又唔够, 有D局~食物选择颇多, 份量又大而且味道唔错, 我地3个点左个二人餐另外加个炒面, 都有剩pack左两盒番屋企~二人餐包括: 一个汤 、一份小食、两款小菜、两份甜品以及两杯饮品, 另外会送一客一心炒饭。我地就拣左海皇金汤翅、黄金炸素鱿鱼、芋头鱼、竹笙罗汉上素斋, 味道大致上都唔错, 只系个汤唔够热影响左质素。「一心炒饭」应该系餐厅既signature dish, 味道果然唔错, 虽然系跟餐送但都足料又大碟。其实3个人食二人餐系够既.. (当时大家都已经饱, 每碟都有剩), 只系之前睇其它食评见到呢度有道「淮山面」几特别, 所以都点左一碟黎试, 味道一般而且偏油, 同埋唔讲系唔觉佢系淮山制品, 试一次就够了~最后, 我地要左一碗是日甜品「蕃薯糖水」, 另一份甜品就加$10转成千层糕, 两款既味道适中, 唔会太甜~总括而言, 呢餐系抵食又好味既, 不过如果所有饭菜都可以再热D就更佳啦~