Green Orange

嚟亲中环都会拣啲贵少少嘅餐厅，因为经验话我知多数都有一定水准。呢间餐厅本来一见个名以为系食素，但原来都系西餐厅。既然餐厅名都已经吸引左我，咁就不妨一试。叫左两个set lunch，有齐餐汤、沙律、主菜、饮品。是日餐汤系南瓜汤，煮得好绵密，比较浓稠。沙律嘅蔬菜都几新鲜，配上胡麻酱。纽西兰走地鸡脾肉配蕃茄香草酱意大利面 ($208)鸡脾肉都几嫩滑，唔会煮得过老。蕃茄香草酱味道较为清淡，酱汁较会挺身，好容易附上意粉上，意粉亦算弹牙。烧BBQ美国猪肋骨 ($258)猪肋骨肉质松软，一刀好易就切开左，酱汁比较浓味，但唔会过咸，负担亦唔会太重。平时食猪肋骨都系场赌博，因为处理得唔好，肉就会变得好鞋，都好难用刀叉切出嚟，但呢度唔会出现呢个问题。猪肋骨真系一大惊喜，系会想encore嘅质素，值得为左佢再访。= Green Orange // 上环永乐街50号昌盛大厦2楼 // 2541 9090 =