Green Common (歷山大廈) (已結業)

食开厚厚嘅牛肉汉堡，当然要试下扮肉嘅素汉堡, beyond burger，加$18加埋牛油果，成个包 $94, 价钱系贵d, 不过都不是没道理。burger系即整，要等十至十五分钟，所以个包个新鲜。个面包皮好脆，刚烘，汉堡扒好'juicy', 应该系由大豆，菇打烂而成，另外配以厚切蕃茄同嫩绿生菜，再加上额外加的牛油果，整个感觉好refreshing, 又唔会腻，好似食紧平时d burger咁。叫任何食物都可以加$18叫menu中热饮，我试左南非国宝奶茶，可免费转杏仁奶。本身饮过南非茶，几钟意佢阵味，呢个奶茶仍然keep有原本茶味，再加少少奶味，完全唔甜。即系觉得个人好健康，有时食少d肉，个人都会轻松d, 大家不妨揾一餐半餐试下无肉餐单。