Green Waffle Diner (嘉咸街) (已搬遷) 新店位置

穿过嘉咸街街市，无几耐就嚟到Green Waffle Diner，听闻佢开咗好耐，不过今次系第一次嚟。入面其中一面墙上用咗人造绿色植物点缀，多咗几分舒适感。听讲佢哋晌平日午市经常爆满，所以预先订台会较walk-in稳阵。但当日我晌下午茶时段嚟，食客就唔系好多。呢个时段仲有较相宜嘅下午茶餐，餐牌大约两星期左右转换一次。原来呢度除咗窝夫，薯粒镬仔都好出名。我就决定散收一份薯粒镬仔，再加窝夫下午茶餐，咁就啱啱好试晒佢哋。Herbed Veggie Skillet，镬仔上嚟时仲好热，令食物食到尾仍然系暖嘅。杂菜有翠玉瓜、车厘茄、灵芝菇、青椒、洋葱等，先将中间嘅水波蛋刺穿，等蛋黄汁漏出再捞匀先食。薯粒炸得外脆内嫩，当中夹杂咗车打芝士碎，加埋一齐口感丰富。份量方面，由于薯粒比较饱肚，对女仔嚟讲都几足够，惟因为防黏底嘅关系，油份相对会比较多。薯粒镬仔系用盐同黑椒等调味，我觉得就咁食已经够味，最后只系加咗少少茄汁同辣椒汁提味咋。Oreo Waffle with Vanilla Ice-cream，雪糕除呍呢嗱味外，仲有士多啤梨同朱古力味拣。Oreo Waffle系晌原味窝夫浆入面加啲Oreo饼碎，外焦