Grill'er 石燒扒專門店 (已結業)

近期流行食石烧牛扒， 之前通常净系喺旺区先至有旺角尖沙咀铜锣湾等等都有, 而家 大围都终于等到有石板烧。 Grill'er 系 大围积信街， 由港铁站行过去大概五分钟左右。 餐厅都系以先付款形式运作， 然后再等店员送牛扒上枱。 呢度款式选择都几多， 由美国肉眼， 安格斯肉眼， 日本黑豚， 到不同种类的海鲜例如日本刺身带子越南虎虾等等 都有得选择。喺等牛扒上枱时可以先到自助区 饮汤食沙律与及预备白饭， 个价钱已经包埋， 大食嘅可以装多几碗白饭嘅碗汤，超值。 另外亦都可以去酱汁区自助混酱， 由烧汁，黑椒汁，蒜蓉汁，到千岛酱 芥末酱 等等都有供应, 劲多选择。罗宋牛尾汤 个汤劲多配菜，足料程度，真系啖啖肉，牛肉味浓，汤头香甜，绝对值回票价。 米饭 有埋饭素提供， 珍珠米饭口感软糯。 美国安格斯肉眼 300克嘅安格斯肉眼， 大块到差唔多年个石板都唔够放。 石烧方式最开心系可以让自己烹调熟成度， 安格斯肉眼肉汁丰富， 肉质软淋不韧。 日本黑毛猪鞍 除咗有牛扒之外店家亦都提供特色猪类以供石烧。 今次就拣咗日本的黑毛猪鞍。 黑毛猪鞍要畀多少少时间块石去烧， 而这块黑毛猪鞍最引人入胜之处