烤吧 (已結業)

行咗阵outlet，之后就去附近嘅Griller Spot食晏。入面有啲型格扒房嘅感觉，而且设有露天座。我坐咗晌窗边，透入咗啲自然光，加上唔系工作日嘅关系，餐厅人流唔多，都几舒服。叫咗份墨西哥奄列，伴碟有马铃薯沙律、番茄沙律、牛油果片同酸忌廉，都几丰富。初初以为系蛋皮包住食材𠮶种奄列，实际上系用墨西哥薄饼卷起炒蛋，入面嘅蛋炒得算嫩滑而带轻轻甜味。可以同埋酸忌廉一齐食，又或者配牛油果片同两款沙律。番茄沙律入面有红洋葱粒，马铃薯沙律就系炒过嘅连皮马铃薯同洋葱，香口得来油份尚可接受。呢个lunch嘅蔬菜比例几多，酸忌廉等亦令佢变得惹味少少，算系比食红肉白肉来得健康。