Gusto - Taste Italian (已結業)

去完科学馆既恐龙展览，同朋友去左附近一间酒吧餐厅，顺道欣赏下尖东美景同气氛。纽西兰羊肉丸串烧($178)（⭐️⭐️⭐️⭐️⭐️）去得酒吧餐厅，紧系要叫返d CHILL d既菜式。呢个羊肉串烧就啱晒啦，净系个摆碟卖相都够晒抢镜，五颜六色既材料十分吸睛，一旧串一旧，好适合同三五知己一边饮酒倾偈，一边吉一旧慢慢叹。味道方面，肉丸肉质十分弹牙，唔会好似d雪藏肉丸咁鞋口，而且食很出浓浓既羊味而又唔会好膻，加上其他配料同沙律一解肉腻，真系食唔停。原只波士顿龙虾煨意大利饭($288)（⭐️⭐️⭐️⭐️⭐️）朋友好钟意食海鲜，于是叫左呢个龙虾饭。未食就已经见到碟上面大大只既原只波士顿龙虾，真系食指大动。笔者特别要赞就系餐厅好细心咁处理左食材，将龙虾尾原只取出，虾钳亦都剪到可以一啖轻易食到，啱晒笔者呢类懒人或者要顾及礼仪既女士们。龙虾鲜甜爽口，绝对唔系霉霉烂烂既肉质，另外餐厅系煮呢个煨饭，相信一定落重本同时间，每粒饭都好Q弹，而且有好香既龙虾味。意大利巴马火腿薄饼($218)（⭐️⭐️⭐️⭐️💢）去到酒吧同朋友边食边倾，点会唔少得pizza呢。意大利餐厅当然要食返地道风味既巴马火腿薄饼啦。笔者好中二薄饼底厚薄适中，唔会厚到似食面包