影片
更多
2021-10-29
111 浏览
庆祝同事过试用期，知道佢系打边炉狂热粉，今次我就拣左位于尖沙咀H8既「胡炉」，之前同朋友食过既「胡炉」系高质单点火锅，见到佢依家转左做半放题模式，岩哂我既吃货同事！🍲一坐低，服务员叫我地拣左汤底先，佢总共有六款汤底选择，有鸡煲，麻辣，人参…由于我同同事都成口飞滋，所以拣左冇咁刺激性既「黑白胡椒卜卜蚬煲」，胡椒味道适中，唔会抢左卜卜蚬既鲜甜，佢上面仲放左好多莞茜，一向唔好茜既我竟然接受到，仲觉得几好味。丫，唔记得讲，等紧个汤底时，每个客人都送一份鲍鱼花胶冬菇，炆得好淋好入味呀。之后佢会上一份首轮海鲜拼盘、肉类拼盘同手工饺丸拼盘。🦐海鲜拼盘 - 超级吸晴，每人一只鲍鱼、带子、虾同贵妃蚌，海鲜唔系cheap野好新鲜，而且令到个汤底更鲜甜。🐷🐃肉类拼盘 - 胡炉肉类拼盘有三款肉，分别系牛舌，肥牛同猪肉，睇相都见到，肉好靓，肥瘦适中，而且牛舌薄得黎有口感，好香牛味，有惊喜。🥟🧆手工饺同丸拼盘 - 其实平时打边炉我系唔吼饺同丸既，但今次想特别讲下，个黑松露丸好香又有口感，虾丸超弹牙，同埋个泰王云吞劲特别，酸酸甜甜辣辣咁。两条友开turbo食哂佢首轮拼盘后就开始叫放题美食，真系唔好以为放题就系che
🍲一坐低，服务员叫我地拣左汤底先，佢总共有六款汤底选择，有鸡煲，麻辣，人参…由于我同同事都成口飞滋，所以拣左冇咁刺激性既「黑白胡椒卜卜蚬煲」，胡椒味道适中，唔会抢左卜卜蚬既鲜甜，佢上面仲放左好多莞茜，一向唔好茜既我竟然接受到，仲觉得几好味。
丫，唔记得讲，等紧个汤底时，每个客人都送一份鲍鱼花胶冬菇，炆得好淋好入味呀。之后佢会上一份首轮海鲜拼盘、肉类拼盘同手工饺丸拼盘。
🦐海鲜拼盘 - 超级吸晴，每人一只鲍鱼、带子、虾同贵妃蚌，海鲜唔系cheap野好新鲜，而且令到个汤底更鲜甜。
🐷🐃肉类拼盘 - 胡炉肉类拼盘有三款肉，分别系牛舌，肥牛同猪肉，睇相都见到，肉好靓，肥瘦适中，而且牛舌薄得黎有口感，好香牛味，有惊喜。
🥟🧆手工饺同丸拼盘 - 其实平时打边炉我系唔吼饺同丸既，但今次想特别讲下，个黑松露丸好香又有口感，虾丸超弹牙，同埋个泰王云吞劲特别，酸酸甜甜辣辣咁。
两条友开turbo食哂佢首轮拼盘后就开始叫放题美食，真系唔好以为放题就系cheap,佢个炸鱼皮，八爪鱼须仲有桶蚝，肥牛都可以任叫，而且仲有好多蔬菜类，不过提提大家食得晒先好嗌唔好做大晒鬼！
🧃🥤🍺虽然个放题冇包饮品，但每人加$38就可以任饮包括鸿福堂海底椰，道地玉露仲有啤酒添！
因为我哋放工放得早，所以唔太多人，但走𠮶阵开始好多人入座喇，我望一望见佢好似仲有间vip房，岩哂钟意有私隐既大家。
张贴
