Häagen-Dazs

营业中

休息中

食饱中秋饭仲想食甜品，去左Häagen-Dazs食雪糕，叫左三球雪糕，今次要杯装，$82一杯。口味当然系拣我哋最爱嘅夏威夷果仁同士多啤梨，另外试左比利时朱古力榛子，同焦糖脆饼。夏威夷果仁例牌最正，雪糕底又香滑而夏威夷果仁又多又脆，啲果仁嘅咸味配甜甜嘅雪糕好夹。士多啤梨啖啖鲜果肉而且味道好天然。比利时朱古力榛子就较甜，朱古力味好浓，榛子味好似食紧金莎。焦糖脆饼嘅脆饼系脆架，同平时喺街出面食嘅已经腍左嘅脆饼唔同。杯装雪糕球明显大过窝夫饼嘅雪糕球，下次都系叫杯装抵食啲。呢度有六个位，好彩嘅时候仲有得免费堂食。