Häagen-Dazs (太古城中心)

营业中

休息中

餐厅：Häagen-Dazs地点：太古城中心菜式：雪糕为左庆祝生日，早几日订左个雪糕蛋糕。粉红佳人 (Regular) $569呢款蛋糕系新口味，贪颜色系迷人粉红色，女仔挚爱！粉红色加白色镜面，面头有一粒原粒粉红色马卡龙，原粒白色马卡龙同两片粉红色马卡龙，加上三朵花型糖霜，珍珠同忌廉，下底围边有好多粉红色糖霜。造型上系唔错。雪糕系新口味士多啤梨红桑子马卡龙雪糕，系士多啤梨雪糕拌入红桑子软心酱同粉红马卡龙，味道主要系士多啤梨同红桑子味，滑溜兼味道唔错，不过应该要多d马卡龙先切合返主题。面头马卡龙无论有馅定无馅都算脆，有馅既就其实得忌廉。镜面就少少偏甜，下底有一层忌廉先到雪糕。糖霜装饰就当然唔好食。而家Häagen-Dazs雪糕蛋糕贵左好多，连订制朱古力牌都无。蛋糕口味又无得拣，真唔明点解唔可以有些少flexibility。包装好实正，个蛋糕我地攞左4个钟头先食都仲硬。