Häagen-Dazs (已結業)

Häagen-Dazs华芙筒就成日食，不过今次系第一次买Häagen-Dazs既家庭装，唔系超市既家庭装，而系Häagen-Dazs专门店既家庭装！究竟系点架呢？3盒家庭装雪糕一共$299，一大两细。细个盒系平时超市买个d size。我拣左我最钟意既夏威夷果仁味！店员系即时笔d雪糕入去个盒到，我觉得分量比平时超市买既多，因为好重手。当然如果你钟意其他口味都可以拣，超市未必有得卖！所以价钱一定比超市贵啦。顺便又食返个华芙筒先。华芙筒分单球，双球同三球，价钱分别系$60，$72，$85，可以自选雪糕口味。水果可以拣士多啤梨，桃或者香蕉；酱料可以拣芒果，士多啤梨或者朱古力；配料可以拣果仁碎，粟米片或者朱古力碎。我拣左三球华芙筒。三球华芙筒 $85三球雪糕系我最钟意既士多啤梨，夏威夷果仁，同蓝莓。水果拣左士多啤梨。酱料拣左朱古力。配料拣左果仁碎。首先雪糕就无可挑剔啦，好钟意夏威夷果仁有多一重口感又滑溜。华芙筒好厚身又香又脆，好好味道。士多啤梨得两细块。果仁碎比想象中少。华芙筒好大个，要小心d攞住。同埋只手好易掂到个华芙筒。