Dazzling Cafe (皇室堡) (已結業)

呢间Cafe不嬲都好受欢迎，好多女仔钟意黎影相同埋同朋友gathering 。因为佢唔单止环境靓，食物嘅卖相都好靓，啱晒女仔黎倾计或者影相。今日咁岩经过，见到佢有万圣节主题既menu，咁就梗系一定要试吓啦。好彩佢嘅时间比较早，虽然都系好多客人，但系等左一阵位就入得啦。呢杯毛毛怪兽卖相真系超可爱啊，忍唔住系咁帮佢影相。仲有惊喜嘅系，估唔到佢饮落都几好味，唔会太甜，反而仲几解渴。朋友就饮呢个极品oreo奶昔，佢嘅卖相都好靓。我试咗一啖，估唔到佢嘅味道仲好味呀。佢有好多Oreo碎，虽然系奶昔，但系又唔会太腻。最后嘅甜品系呢个恶魔Oreo蜜糖吐司，又系一上枱就忍唔住系咁影相。呢间Cafe嘅蜜糖吐司不嬲都好好味，估唔到Oreo味仲正。一啖吐司一啖雪糕，但系食落又唔会好重罪恶感，因为佢唔算太甜，非常啱女仔食呀。呢间Cafe环境又靓，又成日有特别嘅Menu，唔怪得咁多客人啦。我同朋友食饭，好多时候都会拣呢间餐厅架。