達人包車 (已結業)

RealFoodie有班好钟意食韩国野嘅朋友仔，见到只要facebook名有halloween入面5个character就有7折，咁岩真系有朋友仔有又点可以走宝呀7点入到去暂时冇咩人，应该大家未放工，间铺装修得好有格调，服务员超级nice, 仲有几个系正宗韩国人tim.见到大家都叫招牌韩式芝士排骨锅，我地当然都要试下啦。 一上到黎真心大份抵食，特别系有7折，煮一阵等啲芝士融，Oppa就会过黎帮你卷埋系排骨面头，有得食又有得睇，点会唔正？食韩国野，一定唔少得嘅就当然系炸鸡啦，我地点左个蜜糖炸鸡，真系非一般咁好味呀！佢上嘅时候，同班friend都o咗，180蚊咁大份？！平时出面啲炸鸡好细份嫁嘛。。。但系呢个真系唔讲得笑，浸系蜜糖度个皮都超级脆，同埋唔油腻，食多几件都唔怕。有烧鸡又点可以冇米酒呢？因为唔系饮得之人，所以叫左个浓重3%嘅柚子味米酒试下，10月所有酒精饮品都做紧半价，抵饮啦。都系好饮，有酒味，甜甜地，配埋炸鸡，无可挑剔！我地就食到差唔多嘅时候，见到有枱点左个超级串烧，好唔好食呢就唔知啦，但一出场就吸引左全场目光，有兴趣嘅朋友可以去试下。