影片
更多
2024-12-23
208 浏览
今日嚟到位于太古城嘅 HAND3AG THE TABLE，餐厅以灰白色为主调，简单而有现代感，有种干净企理嘅感觉。我地刚好赶得上晚上6:50入座，即刻叫一个Happy Hour 套餐（供应时间为平日下午三点至七点），$59包两杯手工啤酒同一份薯条，性价比都几高㗎！当然我哋仲有叫晚餐啦，晚餐加$10就可以有汤同嘢饮，如果觉得唔够喉仲可以加$20叫份小食。最后嚟一份甜品收尾，perfect！1. Happy Hour 套餐 ($59)套餐可以拣两款手工啤酒同一份Shake Shake薯条。啤酒有King in Yellow （清啤）同 Old Blood （烘烤黑啤），清啤清爽易饮，但酒精嘅味道会出少少，而黑啤麦味会重啲。薯条系粗薯，上面洒满Shake Shake 粉（可以拣拿坡里薄饼、BBQ烧烤、香辣芝味），食落唔觉得腻，作为 Happy Hour 小食几适合配啤酒。2. 日式烧鸡肉野菌炖釜饭 ($130)讲真冇谂过会喺呢度见到釜饭，所以忍唔住试试。卖相几吸引同还原，鸡扒入味有轻微焦香，而野菌为整个饭增添香气。饭底稍为湿润但味道尚算均衡，入面仲有油扬同红萝卜都不错。3. 炸蚝 (+$20
我地刚好赶得上晚上6:50入座，即刻叫一个Happy Hour 套餐（供应时间为平日下午三点至七点），$59包两杯手工啤酒同一份薯条，性价比都几高㗎！当然我哋仲有叫晚餐啦，晚餐加$10就可以有汤同嘢饮，如果觉得唔够喉仲可以加$20叫份小食。最后嚟一份甜品收尾，perfect！
1. Happy Hour 套餐 ($59)
套餐可以拣两款手工啤酒同一份Shake Shake薯条。啤酒有King in Yellow （清啤）同 Old Blood （烘烤黑啤），清啤清爽易饮，但酒精嘅味道会出少少，而黑啤麦味会重啲。薯条系粗薯，上面洒满Shake Shake 粉（可以拣拿坡里薄饼、BBQ烧烤、香辣芝味），食落唔觉得腻，作为 Happy Hour 小食几适合配啤酒。
2. 日式烧鸡肉野菌炖釜饭 ($130)
讲真冇谂过会喺呢度见到釜饭，所以忍唔住试试。卖相几吸引同还原，鸡扒入味有轻微焦香，而野菌为整个饭增添香气。饭底稍为湿润但味道尚算均衡，入面仲有油扬同红萝卜都不错。
3. 炸蚝 (+$20)
呢个炸蚝真系加咗唔少分，一吉落去爆汁，外层金黄香脆，入口唔腥仲有少少汁。
4. 慢煮蕃茄肉酱温泉蛋意大利阔条面 ($120)
卖相不错，味道温和而不过重，有好多小蕃茄同肉粒！
5. 浓厚芝士蛋糕 ($38)
芝士蛋糕口感绵密，搭配蓝莓同焦糖酱，甜度啱啱好又唔会腻，作为收尾甜品唔错。
总结：
Happy Hour 套餐性价比确实吸引，如果想约人简简单单饮杯嘢，又或者自己一个饮杯啤酒轻松下，呢度都系唔错嘅选择！
张贴
