影片
更多
2018-10-31
247 浏览
終於都到Happy Friday，當然要食得豐富啲獎勵下自己，所以一早book左食自助餐盡興下。自助餐6點半開始，我地早左到都安排我地入座慢慢等，服務唔錯。開始前當然行一圈睇下有咩食啦，一入門口就係甜品、海鮮、刺身、生果、沙律、熱盤、飲品，右手邊就有雪糕、pancake、鐵板燒、即煮冬陰功、燒味，比我想像中多野食。6點半準時開始，第一時間當然係食生蠔同長腳蟹啦，估唔到啲生蠔咁肥美大隻，由於太肥美既關係，最後我地每人只係食左7隻; 另外長腳蟹好鮮甜唔咸，蟹肉完整，好好味。之前睇openrice啲食評話生蠔同長腳蟹要同人搶，因為每次都出得好少同refill得慢，所以其實都驚驚地，但我呢日去又無呢個問題喎，都出得好密，而且廚師一路會睇住有咩唔夠，唔會話食唔到，所以拎得都幾輕鬆。凍蝦夠大隻同彈牙，青口都唔錯。刺身有三文魚、鯛魚同蝦，刺身都幾新鮮，最正係三文魚，好肥美，唔錯。沙律有鮮蝦什果沙律，薯仔沙律等等，另外配料都唔少，有粟米，青瓜，車厘茄俾你揀，另外竟然有冷麵，都幾驚喜。未試過食自助餐有冬陰功海鮮湯，有啲驚喜，味道都唔錯，酸辣適中。熱盤有金菇瑤柱西蘭花，迷你蒸馬拉盞，炸春卷，即燒牛扒，海南
自助餐6點半開始，我地早左到都安排我地入座慢慢等，服務唔錯。開始前當然行一圈睇下有咩食啦，一入門口就係甜品、海鮮、刺身、生果、沙律、熱盤、飲品，右手邊就有雪糕、pancake、鐵板燒、即煮冬陰功、燒味，比我想像中多野食。
6點半準時開始，第一時間當然係食生蠔同長腳蟹啦，估唔到啲生蠔咁肥美大隻，由於太肥美既關係，最後我地每人只係食左7隻; 另外長腳蟹好鮮甜唔咸，蟹肉完整，好好味。之前睇openrice啲食評話生蠔同長腳蟹要同人搶，因為每次都出得好少同refill得慢，所以其實都驚驚地，但我呢日去又無呢個問題喎，都出得好密，而且廚師一路會睇住有咩唔夠，唔會話食唔到，所以拎得都幾輕鬆。
凍蝦夠大隻同彈牙，青口都唔錯。
刺身有三文魚、鯛魚同蝦，刺身都幾新鮮，最正係三文魚，好肥美，唔錯。
沙律有鮮蝦什果沙律，薯仔沙律等等，另外配料都唔少，有粟米，青瓜，車厘茄俾你揀，另外竟然有冷麵，都幾驚喜。
未試過食自助餐有冬陰功海鮮湯，有啲驚喜，味道都唔錯，酸辣適中。
熱盤有金菇瑤柱西蘭花，迷你蒸馬拉盞，炸春卷，即燒牛扒，海南雞，炸菜鴨腎，涼拌腐竹，麻辣木耳等等，款式唔算多不過我覺得都足夠。
甜品估唔到有Dreyer’s 雪糕，仲要係杯裝，有芒果、開心果同朱古力三款口味，第一次食開心果味，超好味，encore左兩次，另外芒果味係有芒果肉架!!
另外有藍莓芝士餅、朱古力慕絲、椰蓉大福、葡式香芋布甸、芒果布甸、咖啡朱古力慕絲餅、泰式粟米鮮椰汁糕、特濃朱古力餅、泡芙、朱古力噴泉等等，每款食一件都好飽，最鐘意係椰蓉大福同葡式香芋布甸，因為好少見自助餐會有呢啲。
平時食自助餐好少會食pancake，因為食完好飽會食唔到其他野，但今次見到廚師即整，所以心血來潮要左一件，我揀左芒果同杏仁片走cream，芒果肉又多又甜，真係好好味，另外加埋雪糕一齊食又係另一種口味。
飲品區有自助咖啡機、橙汁、青瓜檸檬水同竟然有罐裝啤酒任飲。
今個月惠顧，每人送一隻鮮蝦百花釀蟹鉗，食落口好彈牙，炸到金黃色，好好味。總括黎講，服務幾好，侍應收碟收得好快，而且會主動斟水，環境唔錯，價錢唔貴，食物質素同價錢成正比，所以都有驚喜，下次有機會都會再去食過。
张贴
