鋒哥廚房 (已結業)

约咗朋友过嚟元朗食任食火锅，除咗火锅仲有麻辣鸡煲和羊腩煲，真心丰富真心正！呢间餐厅位于御庭居地下，叫做＂锋哥厨房＂，入边装修布置好靓，打卡非常有风格。🐑呢啲天气最啱食羊腩煲，呢度竟然有得食㖞！仲要系任食，当然食尽佢啦！羊腩煲煮得非常好味，羊肉又香又腍，入边仲有枝竹，马蹄和冬菇，极之丰富。食唔够又可以叫佢再加，新鲜热辣食落去暖笠笠。🐓跟住再食麻辣鸡煲，呢个又系一个暖笠笠嘅煲，但系暖得来就带有刺激感，食落去条脷又麻又辣，味道非常惹味。不过因为我唔系好食得辣嘅就冇食咁多啦！呢个鸡煲都系可以无限添加👍🍲最后就打边炉收返靓尾。火锅有一个免费汤底选择，呢个皮蛋芫荽汤充满芫荽香味🌿，啱晒芫荽嘅我。而且佢个汤底冇落味精，可以包一碗当汤饮，真系极之香！👍安格斯牛肉和海鲜都有得任食，当然蔬菜，丸类都系啦！今日就食个肚满肠肥！😋食咗我最钟意嘅粟米，鲍鱼，冬菇，鱼肚和鱼片。有聚会当然就唔少得啤酒啦，餐厅有超多款生啤任饮，好彩听日放假，今日饮多少少都唔怕！