4號烤吧 (已結業)

📍4号烤吧西环卑路乍街116-122号联康新楼1楼A号舖Happy Friday 饮饱食醉之选！可以玩到凌晨两点～舖头几大，佢哋仲有间私家房好似partyroom咁，最低消费$6000，不过上次打去问已经full咗。 我哋10条友$6000几埋单，觉得蚀咗间房。同埋有一样好重要嘅嘢系 —— 厕所！舖头冇厕所，要用商场厕所。玩咁多个钟再加上饮酒利尿，一定会去个厕所，但女厕好大阵烟味、灯光阴暗、冇提供厕纸，最重要嘅系厕所冇厕板，要无影凳！即刻饮少两杯。呢间有好多唔同嘅嘢食 —— 鸡煲、烤鱼、串烧。但食物质素中等，系食气氛。叫咗个肥肠鸡煲，会比较重口味，同埋唔多鸡，个汁留返嚟打边炉都好油。肥肠味道就唔错，都煮得腍！打边炉嘅料系好普通嘅港式边炉嘅料，值得一提嘅系象拔蚌好好食！鲜甜爽口～我不嬲都麻麻哋烤鱼，我觉得条鱼有啲啲鞋，个汤底又好重胡椒味， 唔系好钟意。串烧就不错，起码唔系所有野都落孜然粉调味先。烧菠萝最好食，酸酸甜甜，一咬落去啖啖汁咇出嚟。鸡软骨都唔错，卜卜脆，又唔会烧得太干。牛舌系超厚切，好重牛味，但切薄返少少会更钟意～烤鸡泡鱼干必食，烧得啱啱好，平时食开好干好硬，但呢间唔会其他就冇咩