sensory ZERO (太古城中心)

营业中

休息中

自從上次食過一次，已決定會再光顧的一間餐廳。今晚7點20分去到，唔洗等位。雖然選擇唔算十分之多，但都揀咗一輪😛決定order「日式醬燒豬軟骨溫泉蛋飯」，同encore返上次食過嘅「三層浦燒鰻魚滑蛋飯」。呢碗飯餸方面有豬軟骨、溫泉蛋及鰹魚乾，而飯係用日本米。本人極喜愛用蛋黃撈飯食，簡直係絕配😋豬軟骨不是很淋那種，有𡁻口的，但因為本人不太喜歡豬軟骨，所以個人覺得呢個飯係ok的。至於鰻魚飯就依然好味，鰻魚肥美，浦燒醬汁味道亦恰到好處，個人覺得滑蛋亦剛好，啱我口味，而每個餐都會跟一杯雜菜湯/沙律及一杯$35嘅飲品。雜菜湯明顯係健康之選，係少鹽的，覺得咁樣嘅配搭非常之好最後到飲品，我哋都喜歡飲咖啡，所以揀咗Flat White & 一杯可可碎焦糖氮氣咖啡(呢杯過咗$35，要加錢)。我哋都係第一次飲氮氣咖啡，咖啡入面有少少氣都幾特別，但又帶少少酸味咁，所以都係較喜歡上次飲嘅caffe latte多d。呢度食物質素穩定及價錢合理，亦都感到製作用心，不馬乎，我一定會再光顧的。