影片
更多
2021-05-29
1749 浏览
好耐冇去Yoho mall食饭，心思思好想食片皮鸭！7.30pm 去到等13 张枱，好好彩10分钟入得，限聚令最多四人枱，今次唯有手抱BB坐！因为冇东亚信用卡，所以冇考虑信用卡优惠套餐，4 个人叫咗个四人套餐。头盘两个小食，鸡丝粉皮份量都唔细，熏鱼冇乜骨，但系好似唔够汁，比较干同唔够味。炒虾球带子，虾球新鲜大只，加埋翠玉瓜同黄红椒，炒得非常香口，翠玉瓜又够淋。云南火腿云吞鸡，侍应帮我哋分咗5大碗，金华火腿够入味，鸡都算滑，云吞入面够多肉，个汤浓浓火腿味，我哋一家赞不绝口！到主角片皮鸭，最钟意片皮鸭皮同肉分开，钟意边件夹边件，如果多啲青瓜同䓤就好，当然唔少得配角系个酱，我一个人食咗三件今次惊喜系松子菊花鱼，鱼炸得一啲都唔油，底下面块米通香脆，加埋甜酸酱不得了！食咗咁多热气野，想食啲菜，最后上碟系茶树菇小豆苗，非常失望，豆苗超级老，好un...好似吞唔到咁，一啲都唔好食，同埋好淡。埋单仲有四件椰汁糕，味道中规中矩。整体套餐都好抵食，侍应服务态度正常，食饭中途佢又问我哋系咪yuu会员，可以拍佢部卡机储分。
7.30pm 去到等13 张枱，好好彩10分钟入得，限聚令最多四人枱，今次唯有手抱BB坐！
因为冇东亚信用卡，所以冇考虑信用卡优惠套餐，4 个人叫咗个四人套餐。
头盘两个小食，鸡丝粉皮份量都唔细，熏鱼冇乜骨，但系好似唔够汁，比较干同唔够味。
炒虾球带子，虾球新鲜大只，加埋翠玉瓜同黄红椒，炒得非常香口，翠玉瓜又够淋。
云南火腿云吞鸡，侍应帮我哋分咗5大碗，金华火腿够入味，鸡都算滑，云吞入面够多肉，个汤浓浓火腿味，我哋一家赞不绝口！
到主角片皮鸭，最钟意片皮鸭皮同肉分开，钟意边件夹边件，如果多啲青瓜同䓤就好，当然唔少得配角系个酱，我一个人食咗三件
今次惊喜系松子菊花鱼，鱼炸得一啲都唔油，底下面块米通香脆，加埋甜酸酱不得了！
食咗咁多热气野，想食啲菜，最后上碟系茶树菇小豆苗，非常失望，豆苗超级老，好un...好似吞唔到咁，一啲都唔好食，同埋好淡。
埋单仲有四件椰汁糕，味道中规中矩。
整体套餐都好抵食，侍应服务态度正常，食饭中途佢又问我哋系咪yuu会员，可以拍佢部卡机储分。
张贴