Penthouse (已結業)

做咗成个星期嘢，嚟到星期五当然要去Happy吓。港岛有兰桂芳，九龙区嘅代表就有诺士佛台！而呢间位于诺士佛台1号嘅Penthouse，就由铜锣湾分店后，首度进驻九龙区。啱晒我同成班九龙区兄弟上嚟饮吓嘢，睇波之余仲有饭食！霹雳鸡翼鸡翼可以话系去都边都系小食类嘅首选！6大只鸡翼炸到脆卜卜，外面够晒香口，而入面就够晒juicy。洋葱汤用一个砵仔上嘅洋葱汤，令冬天都唔容易流失温度。上面放左块芝士多士，令汤更加浓郁，而索晒汤嘅多士亦都特别好味！德国珍宝肉肠铁板拼盘冬天食铁板系最幸福嘅享受！上枱一刻仲滋滋声，够晒新鲜热辣！珍宝肉肠拼盘有3款唔同嘅肠，有juicy嘅牛仔肠、爆浆嘅芝士肠、同香草味浓嘅昆布兰肠。但无论咩口味，都好有咬口，肉味香浓！而另一惊喜系大量嘅薯条，薯仔味好丰富！Mermaid呢杯饮品系由Vodka, French Muscat Grapes, Lychee, Limes, Salt等调制，入口味道咸咸哋，又唔会盖过荔枝味，有种好清新嘅感觉。