BEL CIBO Seafood Bar & Restaurant (已結業)

餐厅分2段用餐时间，分别系6:30，8:30开始，我地订左6:30，3个女仔，叫左个2人餐及加多个pizza, 因为我地主要系吹水，食物都系其次。餐汤系甘笋粟米汤，甘笋好鲜甜。前菜鹅肝多士系好肥美既，但对女仔黎讲，每人半件已经足够。田螺薯蓉个酱整得好够味，好match。厚切黑毛猪煎得岩岩好，好juice ,好弹牙，又唔会好肥腻。烤大菇黑松露意大利饭，个菇好juice,好多汁，好好食，意大利饭里都好多野菌，口感好丰富。我地另外叫左个松子野菌pizza ，面头好多松子同什菇，好足料，但饼底就硬左小小。甜品其实系雪糕，太甜太腻，我本身系甜品控都觉得麻麻地。so far 食物同环境都唔错，可以一试，但得2个钟用餐时间倾心事就唔足够。