餃掂手工餃子雲吞專門店

挨左5日，终于到星期五既勒，真系要好好慰劳下自己，食啲自己钟意既野 ， 就例如饺子🥟煎野生松茸素饺 香口野系我至爱，依款野生松茸素饺，个皮煎得好香脆，松茸具高营养价值，加埋韮菜？葱？令味道提升。重庆鲜肉云吞（小辣）咬落带小辣之余，仲带点醋香，而且云吞皮滑，猪肉软嫩，佢哋处理猪肉真系非常好味😘四川凉面表面舖满葱花、花生粒和辣粉，将佢捞埋麻酱，食落去辣中带酸，又感受到花生既脆，但佢同酸辣粉唔到，系另一个食法，唔错～你可以加佢哋既菜腩豆鼓酱，又会产生另一个味道变化～蜜饯鸡翼超香蜜糖味包围著鸡翼香，鸡翼皮滑又甜，肉味满满🥰日本龙凤蛋配黑白松露酱腌制过既日本蛋带咸香，蛋白滑溜、蛋黄流心，时间控制得非常好，加上矜贵既黑白松露酱令佢更加锦上添花。黑松露已经好矜贵，佢仲有埋白松露👍🏻而且松露味香浓得来唔会有石油气味👍🏻双拼：汤云耳椰菜猪肉饺+大白菜猪肉饺 云耳椰菜猪肉饺-云耳爽口、椰菜脆口，令口感非常好！配埋香浓既猪肉，滑捋捋既饺子皮，正呀喂～白菜猪肉饺- 同样具口感既脆脆大白菜加埋粒粒粟米，每口一口都系索索声，加埋肉嫩多汁既猪肉，咬唔停口。状元汤底香浓，配饺子一流👍🏻自制山楂雪梨水 秋天到来，饮返杯