Lagom Kaffe (已結業)

观塘地胆朋友约Happy Friday带我去位于Two Harbour Square嘅餐厅，位置唔难揾，大厦大堂好似酒店咁靓，唔系朋友讲我会以为去咗酒店，搭lift上一层就系Lagom Kaffe，餐厅门口装饰都好靓。餐厅内部阔落，有室内同户外部分，喜欢浪漫同带竉物嘅朋友可以拣坐户外。餐厅好有诚意有一个大雪柜专门用嚟雪酒杯，大大杯Hoegaarden够滑够冻，冬天饮都好爽由于我同朋友都唔太肚饿所以净系点左两个下酒拼盘。炸鱼薯条配青柠莎莎酱炸鱼同薯条份量好足，炸薯条唔会太咸调味啱啱好，唔点酱食都够味，点茄汁或者莎莎酱会有唔同风味。炸鱼皮脆肉嫩，放冻咗都仲脆，调味适中，完全唔腥唔点酱食都冇问题，点莎莎酱酸酸辣辣会更惹味。巴拿马火腿芝士拼盘拼盘好丰富，有四款唔同嘅芝士、巴拿马火腿、烟三文鱼卷、面包同饼干。平时多数都系面包夹芝士，第一次食饼干夹blue cheese，味道好咸香浓郁，用嚟𩠌酒一流。Cottage cheese多士芝士淡淡酸奶味配多士，朋友好中意。鱼籽酱三文鱼卷𩠌酒冇得输整体嚟讲Lagom Kaffe食物质素高，餐厅环境舒服服务周到，厕所干净（饮啤酒有个干净厕所好紧要），同朋友静