Brooklyn (已結業)

系旺角附近做完野，唔知食咩好，个friend就话：「不如去返Brooklyn?」似乎成日去既口吻，咁应该唔错㖞，星期六晚8点几，都等左差唔多半个钟位，系门口闻到啲香味搞到劲肚饿🤤🤤餐厅属apple green同一个集团其下，但就行美式西餐，炸鱼薯条、沙律、扒类、汉堡包、意粉饭统统都有，选择都几多👍🏻 加埋手工啤、红白酒等，岩哂happy hour🍻黑松露薯条 $68朋友推介必食🙌🏻 薯条粗身，面头加左芝士碎🧀 虽然黑松露味唔算太好浓，但薯条本身系炸得靓好香口，送啤酒岩哂😉烟肉蛋卡邦尼意大利饭 $108睇落好似火腿蛋饭/印度炒饭😂😂 卡邦尼汁好浓，饭粒唔系偏硬果只，烟肉香煎蛋靓，不过不失青柠蜜糖烧黑豚排 $208两块8安士黑豚排有睇头，外层烧得红红地，蜜糖味超出，有少少蜜汁叉烧感觉，肉质仲好嫩😋😋 只系骨既部分都唔少，切得好啲攰😵整体食物几好，环境都坐得舒舒，系张枱细左啲，4人枱放2-3个𩠌已冇位，都好适合朋友/家人聚餐既地方。