安安燒 (鯉景大廈) (已結業)

开完OT, 想happy hour但又未食饭，同事话附近有间食串烧几好，就去试下！同同事两条友唔驶等位就入得，铺仔细细，但食物好多款拣，种类几吸引。 有海鲜食，价钱唔贵，又唔收加一，所以都叫左几多野食，差d 食唔晒tim先来烧鸭舌(够惹味！) ，牛舌(够"LUM"身)，鸡泡鱼干(超香呀, 好有咬口得黎又唔会难吞)，烧韮菜(烧得够香又唔会老, 有D太老既会好难吞)，鸡亦(个味好特别, 甜甜酸酸咁但好好味)，呢d都系必食热身菜，用来送下酒最岩。我一向主攻海鲜类，叫左烧扇贝，大蛏子，芝士焗蚝，烧鱿鱼筒！ 真系几好食，而且够新鲜，海鲜难在熟既程度要掌握得好，先够爽够滑，呢度师傅手势唔错，食得出系用心整。 呢个值得一赞。其实同事出名奄尖，我先跟佢来食，又真系冇介绍错wo，以后揾食要请教佢。呢间安安烧应该会系以后放工happy hour同宵夜既首选串烧店。