The Stadium (已結業)

今日同朋友仔食西餐，因为我地有寿星女，所以想食西餐开心啲，就决定出铜锣湾行下街shopping 再直嚟食晚饭，最后行到SOGO个到就去食The Stadium。一入餐厅两层里面装修得好有格调，门口就有人玩紧桌球，桌球后面就系吧枱，好适合成班朋友happy hours，行入去见到一排落地窗口既装潢设计，可以一边睇街景，一边倾下计食下野，系一个打卡既好地点！先点咗并盘小食，乜都可以食少少，又多野拣，分别系火辣鸡翼、炸芝士条、炸洋葱圈、炸鱿鱼、鸡块...呢到嘅意粉都唔错，我地点了蕃茄海鲜意粉！仲有大大粒带子同大虾添！我地点咗个夏威夷簿饼，个簿饼饼底脆脆地好有口感，即使加左烟肉都唔会太过咸，仲有少少既菠萝甜味，同平时食落既夏威夷簿饼好唔同，唔错😋。最特别既系佢地既甜品好靓好好味，有松饼，有雪榚等等，分量唔多，影相一流。对于中意食甜品既女仔黎讲真可以一次过满足晒所有愿望。👍🏻