Aldou Cafe (已易手) 新餐厅

Happy Friday 秘密小花园老友忙到甩碌，作为好友梗系要好好陪佢尽诉心中情，元朗呢间隐世秘密花园，见到门面已经被深深吸引，一入去已经坐满哂人，唔怪得可以开分店啦！只要用心，一定会成功！由于好肚饿，一坐低就极速点左两个餐，带子墨鱼面同比目鱼意大利饭，一颗充满期待既心先黎餐包，餐包脆卜卜，热辣辣，通常食餐包都可以预测到呢间餐厅既食物水准，因为愈简单既野愈睇得出餐厅既细心，大赞！餐厅一早已经坐满哂人，灯饰令整个环境更加浪漫，谈心特别畅快！带子墨鱼面，带子好肥美，好新鲜，咬落去唔会散，煎得香口，加埋鱼子同榛子，简直最佳组合！比目鱼意大利饭真系大师级，唔食哂对唔住自己同厨师，因为真系超好食，有cream既香，浓度适中，唔会好heavy，条鱼好似bb既皮肤咁滑，食多几旧我都觉得可以有返bb肌肤！卖相又靓，又好食，简得无得输！最后送上自家制鲜果茶，一路饮一路谈心，好消暑