樂園 (已搬遷) 新店位置

系朋友FB见到有间CAFE有个厨师发板几唔错咁就同左女友一齐上去啦。上到去同一般CAFE唔同，呢度个环境几静，而且坐落又几舒服。我地都系为左个厨师发板而黎既。所以黎到紧系就要点啦。个厨师发板又真系几丰富下，有刺身、烟三文鱼、牛柳粒、虎虾、牛油柠檬汁煎带子、黑鱼子鹅肝多士、烈酒煮布冧、盐水煮荣螺、蟹棒同风杂菜沙律。佢个黑鱼子鹅肝多士真系几好味，鹅肝味浓厚配埋黑鱼子既清新，配搭岩岩好！而牛油柠檬汁煎带子个带子都几大粒而且仲几鲜，淋上牛油真系一流！最特别都系个心心虎虾，真系几用心。而且虾肉肥美。整体黎讲个厨师发板都几值得叫既。我地仲要左厚烧美国安格斯肉眼扒。哗~ 呢个讲坚真系好好食。我同女友都好钟意食安格斯牛扒。呢间呢个餐仲好食过厨师发板。真系好值得推介俾大家。我地就叫左7成熟。件肉眼扒好多汁，而且牛味好香。煎得又岩岩好，D肉汁食落口就唧晒出黎，真系好好味。而且份量又足，$218真系几良心价，唔算贵啦。佢个花茶女友话几香，而且饮完仲问STAFF加左热水再冲都好够味。我就叫左杯红。个名几特别，佢有支试管倒落杯野饮度。几好玩。