小念頭 (通菜街) (已搬遷) 新店位置

之前睇报导介绍，见到店主自开小店，蛋糕款式亦会不断更新，一直都想揾个机会试下。有一日平日想同朋友揾个地方hea坐下，就谂起小念头。入到去因为刚刚开门，未有其他客人，店内每一张台台凳凳都有啲唔同嘅特色，加上唔会太迫，真系好适合同朋友黎倾下计、休息下。我地点左两款蛋糕，一款系泰式奶茶味，一款系紫薯味，睇黎两款都系小念头嘅signature蛋糕款式。原本比较期待泰式奶茶个款，但食完反而紫薯味个款更加惊喜！（当然两款都值得试下）因为紫薯个款入面真系有啲紫薯泥，令成件事更加有口感，唔会食黎食去都系得cream同蛋糕，下次黎都会再encore哩款！另外点左杯野饮，系一向都大爱嘅伯爵茶，哩杯系伯爵奶茶，上嘅时候杯入面系伯爵茶味嘅冰粒（其中两粒仲系鸭仔形状，好趣致！），另外会有杯打热左嘅奶，再倒落去，成杯奶茶都好滑，亦有浓浓嘅伯爵茶味！到临走有另外三对客人，整体黎讲都好安静，好舒适！希望哩一类型嘅小店可以保持本质，同时长做长有啦