ISSY MASON Cafe (已結業)

快去东京旅行，但个行程度极都未掂，呢个时候，梗系要向姊妹请教。想近近地揾间坐得舒服，兼有wifi可揾资料既餐厅，于是拣左Issy Mason Cafe。其实Issy Mason Cafe系芸芸观塘楼上cafe之中，几具话题性既一间，因为佢标榜有饭食之余，仲有衫卖。咁我地呢d购物狂，箩柚未坐低就走左去睇衫，但d衫真系好把鬼，深水埗长沙湾货色，但卖得劲贵，算，都系返埋位，安份点餐。先黎餐汤同餐包。蒜蓉包患左干硬化症，个餐汤又好稀，两样都麻麻。煎猪扒配薯菜，我觉得个汁好茶餐厅味道，唔钟意呢阵味，好失望。煎鱼比较好，因为皮煎得脆，加番少少分。总括黎讲，食物唔系好好，不过环境系ok既，服务亦可以，人客唔多，想黎hea黎倾计，都算系一个选择，不过我就无动力黎第二次。