小洋蔥 (已結業)

新年期间经过，因为唔使等位，所以即管一试。见到评论，大家都唔系咁欣赏呢间餐厅所以都冇话特别咩期望。我哋一行五个人，叫咗一个pizza ，一个炒乌冬，两个饭，仲加上两个小食，食物都好快到，铺满一枱，卖相都唔错。先讲炒乌冬，其实几香，里面嘅海鲜配料亦都算多，合格！小食方面薯条好正常，但系另一个洋葱圈就非常厚粉，以为自己食紧油炸鬼Pizza我哋叫咗千岛海鲜。佢嘅芝士系好厚身，同埋有拉丝效果，所以唔可以话佢差！不过佢个千岛酱系另上，所以成个Pizza都几乎冇乜味，要将啲酱放上Pizza都度食好奇怪。两个饭，一个焗猪加一个吉列滑蛋丼。非常平淡，猪扒肉亦都麻麻。总括一句，hea食可以不要认真。