潮苑餐廳 (已結業)

惨，长洲之旅完左又要去补习，补完join返朋友仔一齐食夜晚。系山道一带行左成个round，最后见呢度几多人，一于拣呢度。要了金银蒜茄子粉丝蒸鲜鱿同海味杂菜煲。先来2碗粟米马蹄汤，几够火喉。金银蒜茄子粉丝蒸鲜鱿，茄子有点生，硬硬的一条，无味；铺底既粉丝又少又碎。海味杂菜煲，菜算多，菜心津菜西兰花红萝卜草菇，款多但似系将头头尾尾放埋一煲。而且所谓既海味就只有虾米仔咁大把。另外服务麻麻，先是拎走我话仲要既汤，之后又要人share台，但其实当时仲有几张无人坐既台。下次要黎最多只会叫扒餐，观乎8成以上既人客都是食扒的。