咖啡弄 (已結業)

🔹HeyHei🔸长长人龙咖啡弄🔹台湾咖啡弄系香港开左几年，依旧人龙不断，无订位至少等半个钟以上，当初以果茶松饼等等轻食攻陷左香港人既心。咖喱牛腩配法包牛腩非常入味，肉质松软而不烂，比我想像中辣，睇得出用左好多香料，非常香浓。配上薯仔同法包吸收晒D咖哩汁，好味而且饱肚，唯独牛腩份量少得制。熏牛肉三文治 熏牛肉好香烟熏味，食落干爽有少少似火腿味。配上蕃茄生菜等等十分健康，岩晒健康一族。草莓松饼 松饼外脆内软热辣辣，一定要趁热食，我个人钟意配雪糕一冻一热，另外有类似蛋皇酱既物体，几香不过我唔系好食蛋皇。士多啤莉都几酸，上面有淋上糖浆中和一下，不过我都觉得过酸。Oreo脆片乳酪蛋糕 我其中一样最钟意既甜品，以oreo做主要材料，中间一大旧酸酸甜甜非常creamy既cheese cake，配上oreo好香浓异常地夹。新鲜冰果茶 每次黎到必点，用新鲜水果配上立顿既茶包，比个杯仔加一旧柠檬比你慢慢饮。茶味比较酸，不过酸得好过瘾，不过近几次食越黎越甜，饮完之后可以食埋D水果。Hei芝推介: 冰果茶，咖哩牛腩，oreo乳酪蛋糕