小城鎮 (已結業)

这间小店隐藏在北角闹市之中。位于明园西街，一个不起眼的地铺，店内地方不大但装修雅致，给人舒适，温暖的感觉。疫情期间帮衬左几次，已经认识个老板。可能经济环境困难，老板加倍努力，每次去到都见到佢。响度我哋都食过早午，晚餐，佢地嘅食材新鲜，制作认真，值得欣赏。前日突然好想食德国脆猪手，北角唔系好多间有做，只系谂起小城镇，上打个电话确认有得食，之后马上行过去。其实佢哋距离我屋企都有D远，不过要食好嘢就冇计啦！因为去到已经8:00，马上叫咗我嘅心头好，好快就上菜，待应好贴心咁问要唔要帮我切开佢，我话好，只猪手嚟到的确皮脆肉嫩，绝不肥腻。不枉我行15分钟过嚟食。佢嘅配菜亦绝不马夫，𠮶啲酸菜同我去德国食𠮶啲一模一样，超酸 😅😅证明佢维持原汁原味。可能我哋已经喺最后一台，老板见我哋食完野饮紧餐茶，仲过嚟表演咗个魔术，都真系几得个噃！