百味鮮

营业中

休息中

今日落街揾嘢食𠮶阵见到佢的二人套餐，真系好吸引。$300都唔使就有一个火锅同埋煲仔饭。点知另一半落到嚟嘅时候想散叫火锅多啲😑😑唯有下次先再试佢嘅煲仔饭舖头应该主打做街坊生意，见到入边都坐得多人，应该唔伏，就入咗去试我哋叫嘅系椰子鸡火锅，拣咗半只鸡，佢嘅份量真系好多。店员帮我哋落咗鸡之后就俾咗个漏斗我哋话啲沙掉晒就可以转细火饮汤食鸡。咁样几方便，我哋又唔使计时。椰子鸡汤不嬲都系汤鲜鸡滑，冇得弹👍连鸡胸肉都好Juicy嫩滑我哋啲竹笙煲完之后劲大，爽口，份量又多佢嘅猪肉系有猪味得来，又唔会好骚，肉质又唔会柴，唔错我哋仲叫咗墨鱼滑同埋虾滑，两只滑都好弹牙新鲜，抵食。整体嚟讲依间餐厅嘅用餐体验都唔错。枱面要嘅工具基本上都齐全，店员个速度都好快手，最紧要嘢食味道质素又真系唔差㖞，下次应该都可以返兜。