影片
更多
2009-10-30
27 浏览
(1) 士多啤梨奶昔 = 卖相一般，士多啤梨浆大少，但味道唔错。［好］(2) 冰镇朱古力 = 味道唔错，相比有冰嘅冻朱古力好味，但要加五蚊。［好］(3) 黑松露酱告拿鱼蘑菇 = 卖相麻麻，啲吞拿鱼好干又好腥。(4) 千岛酱PIZZA = 卖相麻麻，完全唔会觉得𠮶只系蜘蛛啰。味道就一贯水准。(5) 士多啤梨班戟 = 卖相完全唔得，唔知似乜。几块班戟厚过千层面，而且系唔熟𠮶只，再加咗啲唔知咩味嘅汁，湿淋淋，一入口即吐！(6) 木糠布丁 = 卖相普通，但味道唔错。［好］原本成餐饭都冇咩问题，系个甜品"士多啤梨班戟"真系好唔得。我哋只系喺自己位倾计话唔好食，冇食到。有个女侍应行过听到，好好人咁主动攞走碟嘢话同我哋跟跟(并唔系我哋要求)。点知转头有个恶相女侍应攞返同一碟嘢埋枱问我哋咩事。语气同态度都唔好。我哋话佢知啲班戟好厚，好似唔熟嘅粉皮咁，唔好食。但佢竟然好似拗交咁话啲班戟系咁，只系雪过，冇问题。心谂，你想点呀？我又冇话投诉又冇话要换，只系你问我，我答你咋㖞，你咁恶死做咩呢？之后佢仲串咀问换过木糠布丁比我哋，但我哋冇要，净系叫佢攞走碟嘢就算。转头又有个副经理埋枱又问我哋咩事，不过佢态度好好多
(2) 冰镇朱古力 = 味道唔错，相比有冰嘅冻朱古力好味，但要加五蚊。［好］
(3) 黑松露酱告拿鱼蘑菇 = 卖相麻麻，啲吞拿鱼好干又好腥。[差]
(4) 千岛酱PIZZA = 卖相麻麻，完全唔会觉得𠮶只系蜘蛛啰。味道就一贯水准。
(5) 士多啤梨班戟 = 卖相完全唔得，唔知似乜。几块班戟厚过千层面，而且系唔熟𠮶只，再加咗啲唔知咩味嘅汁，湿淋淋，一入口即吐！[劲差]
(6) 木糠布丁 = 卖相普通，但味道唔错。［好］
原本成餐饭都冇咩问题，系个甜品"士多啤梨班戟"真系好唔得。我哋只系喺自己位倾计话唔好食，冇食到。有个女侍应行过听到，好好人咁主动攞走碟嘢话同我哋跟跟(并唔系我哋要求)。点知转头有个恶相女侍应攞返同一碟嘢埋枱问我哋咩事。语气同态度都唔好。我哋话佢知啲班戟好厚，好似唔熟嘅粉皮咁，唔好食。但佢竟然好似拗交咁话啲班戟系咁，只系雪过，冇问题。
心谂，你想点呀？我又冇话投诉又冇话要换，只系你问我，我答你咋㖞，你咁恶死做咩呢？之后佢仲串咀问换过木糠布丁比我哋，但我哋冇要，净系叫佢攞走碟嘢就算。
转头又有个副经理埋枱又问我哋咩事，不过佢态度好好多。倾完佢仲写低我哋嘅意见，自己走去厨房试食。
埋单走𠮶时，其他侍应都有讲多谢或者BYE BYE。唯独𠮶个恶死嘅女侍应，同我迎面行过咩都冇讲但居然仲怒啤我一嘢。
我成日都去呢间PIZZA HUT食，都系第一次遇到态度咁差嘅侍应。如果下次再去再见到佢，我一定记低佢个名。
张贴
