一念素食

营业中

休息中

Item: 一念素食
Rating: 5
Author: pibulfoodie

Bijas Vegetarian Restaurant

56 食记

味道

环境

服务

卫生

抵食

3228

西环

$50以下

西式素食清真认证食品无肉餐单咪嘥嘢食店少盐少糖食店

资讯:
餐厅:	一念素食

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

资讯:
餐厅:	一念素食

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

pibulfoodie

等级2

作为一个曾经多次喺香港大学内进食嘅一位食客，一念素食无疑系全个校园最好食嘅餐厅。一般而言，素食（或者话「食斋」啦）都俾人一种好寡淡无味嘅印象，但一念素食嘅「斋」却一啲都唔 Dry，而且好美味，可以话系 HKU 学生嘅恩物。

环境与价格

一念素食同好多其它嘅斋舖好唔同，佢既定嘅落 Order 方式系自己夹然后按重量埋单，100克嘅食物大概 $17，但亦都有其他嘅套餐（例如系米线同下午茶套餐）供食客选择。而因为有唔少嘅食物都比较多水份嘅关系价钱并唔算系好平，但胜在有无限嘅汤，且白饭任装，所以无论食平啲食贵啲都可以保证你食饱饱。要注意嘅系而家由于疫情关系每次去装饭毕汤嘅时候都要用新碗，夹嘢食嘅时候需要佩戴手套，可见呢间餐厅嘅细心之处。

服务质素

讲到细心，一念素食嘅服务质素都有值得表扬嘅地方。你一定以为一间自助形式嘅餐厅无咩服务嘅质素可言啦，但咁就大错特错喇。𠮶次去用餐嘅时候因为想欣赏下风景所以坐咗出面，但结果发现有好多蚊所以想坐返入去。当时餐厅嘅职员唔单止帮我哋手搬返啲嘢入餐厅，而且见我哋被蚊咬仲俾埋无比滴我哋查添！呢个位真系加爆分！

食物质素

讲咗咁耐都未开始讲食物。一念素食俾食客选择嘅食物种类繁多，简单之青菜豆腐、复杂至素肉丸同春卷都有，甚至有各种甜品比食客选择。正如第一段所讲，食物嘅味道真系好好，素肉嘅味道同真嘅肉类不相伯仲，且整体味道唔会太淡，亦都唔会太浓，恰到好处。虽然系自助嘅形式，但系食物嘅温度亦都得到保持。系饭方面佢哋以红米混合白米，使之更加有层次；至于汤，今次饮嘅冬瓜萝卜眉豆汤，味道非常之清甜，而且饮落口舒服，真系饮完一碗又一碗。虽然今餐以食斋黎讲食得有啲贵，但系净系个汤就已经值回票价！