Homeland (牡丹大廈) (已搬遷) 新店位置

今日同同事lunch hour终于食到Homeland。餐厅设计别具特色，致力营造一种回到屋企嘅温馨感觉🥰。七彩缤纷嘅摆设加上充满艺术风嘅墙画🖼️同灯饰令人彷如置身于欧洲小屋。另外，餐具拣选方面都别出心裁。餐碟每只款式都唔同，涷饮方型玻璃杯亦有唔同字句，充满品味。我同同事叫咗4个lunch sets,分别系鲜虾龙虾汁阔条面🍝、韩式熔岩芝士牛肉饭、迷迭香啤酒春鸡配薯条、香煎西班牙伊比利亚猪肩肉配薯菜，以及系小食咸蛋黄炸鸡翼、炸薯条配松露蛋黄酱、炸吉列广岛蚝同芝士焗西兰花。当中，我最钟意嘅系猪肩肉配薯菜。猪肩肉肉味够浓够多汁，薯条🍟香脆可口。另外个熔岩芝士牛肉饭牛肉肥美，芝士浓郁香口，系别具特色嘅韩式牛肉饭🐂。至于个啤酒春鸡🍗，表面酒味浓厚，内里嫩滑多汁。除此之外，餐厅嘅小食亦好惹味。咸蛋黄酱（自选配料）鸡翼炸得香脆可口，表面酱汁亦调得恰好到位，唔会太咸。芝士焗西兰花亦落足料，入口啖啖浓郁芝士香🧀。下次嚟一定会试埋餐厅嘅噱头菜-原味啤酒酿全鸡（会站立嘅鸡）！😆😋😋