Amour Cafe (已搬遷) 新店位置

呢间餐厅都有好评，虽然环境好普通。但机缘巧合下，就过左黎呢度食左个午餐。呢度既环境唔算大，坐都有小小迫。杂菜汤个味道好淡，虽然有好多料。不过我觉得都系差小小，但得意在用个杯饮汤。个感觉都几得意。蕃茄鸡扒天使面鸡扒好正，腌味都几重，又唔鞋口。唔错架。天使面整得好爽口，好衬个蕃茄汁。仲有，个天使面既份量都几多，食完都几饱。芝士蛋糕个芝士味好重，柠檬味唔会太重。个蛋糕好松化，几好食架。冻mocha咖啡味好重，又不失朱古力味。野食真系唔错，不过环境可以整得企理。呢次我好想食布甸架，不过卖哂啦。好彩，老板叫我下次可以打定电话帮我留番个。咁就太好啦。