影片
更多
2021-12-22
513 浏览
原来上次帮衬Honbo已经系年几之前啦，食过湾仔同中环分店，今日见尖沙咀海港城开左间分店，就试试先。平日6:30前到都要等位，足足等左九个字先有位。之后好快就有条人龙。原来因为入面得6张枱，又唔会赶客，唔怪得。餐牌似乎同之前一样，汉堡有9款拣，主要系牛肉汉堡，都有鸡肉同素菜汉堡。另外有小食，汉堡加配配料，同饮品。餐牌简单，全部散叫，冇套餐。今晚一行二人，我同同行友人每人叫左一个汉堡，小食同饮品。The Gold Standard Double 4oz beef patty, Double cheese, Bacon, Pickles, Onion, Lettuce, House Sauce $178 另加一仲记得之前试过呢款The Gold Standard，绝对系一试难忘。The Gold Standard汉堡超大个，用张纸夹好，方便用手食，仲有一支长竹签固定好。面包松软，下面痴住几片青瓜片同洋葱丝，见到有自家制酱汁。之后到香脆烟肉两块，下面就系两块重4安士嘅汉堡扒同两片芝士，最下底就系几片大片生菜。呢个汉堡嘅size令我放弃用手食，我只好用叉分层食。汉堡扒虽然散开，不过块皮好脆，连
餐牌似乎同之前一样，汉堡有9款拣，主要系牛肉汉堡，都有鸡肉同素菜汉堡。另外有小食，汉堡加配配料，同饮品。餐牌简单，全部散叫，冇套餐。
今晚一行二人，我同同行友人每人叫左一个汉堡，小食同饮品。
The Gold Standard
Double 4oz beef patty, Double cheese, Bacon, Pickles, Onion, Lettuce, House Sauce $178 另加一
仲记得之前试过呢款The Gold Standard，绝对系一试难忘。The Gold Standard汉堡超大个，用张纸夹好，方便用手食，仲有一支长竹签固定好。面包松软，下面痴住几片青瓜片同洋葱丝，见到有自家制酱汁。之后到香脆烟肉两块，下面就系两块重4安士嘅汉堡扒同两片芝士，最下底就系几片大片生菜。呢个汉堡嘅size令我放弃用手食，我只好用叉分层食。汉堡扒虽然散开，不过块皮好脆，连埋香脆烟肉，极度香口。汉堡扒仲有肉汁，唔觉太干。因为牛肉多，所以较咸，有啲蔬菜平衡返都好。
Honbo 2.0
4 x 2oz beef patty, Triple cheese, Pickles, Onion, House Sauce $168 另加一
呢个Honbo 2.0 真系非常邪恶，面包下面足有4块汉堡扒同3块芝士，虽然肉眼唔系好分得清，但系见到超多汉堡牛肉同热熔芝士真系令人兴奋。下底有洋葱丝同青瓜，加上自家制酱汁，呢个汉堡相对更湿润，而且肉汁更多，而热熔芝士更好食。呢款汉堡嘅汉堡扒就冇咁脆口，相对冇咁咸香。
Buffalo Wings $78 另加一
Buffalo Wings一客两只半鸡翼一开二，加左辣油同蓝芝士，再洒上葱花。Buffalo Wings皮脆肉嫩，细细件易食，个汁醒胃。
Cheese Fries $58 另加一
Cheese Fries用只碗上，幼身薯条上面加左好多热熔芝士酱，咸香四溢。枱上面有茄汁同黄色芥末酱俾你自己倒，沾啲茄汁食甜甜哋仲好味。
Mike's Lemonade $38 另加一
叫左两杯柠水，当然唔系茶餐厅质素，而系非常酸嘅青柠水，仲加左5片青瓜同薄荷叶，味道非常醒胃。
食哂所有野真系超饱，食完先减肥。
张贴
