影片
更多
2021-08-03
6838 浏览
系好几间酒店当中，拣左呢间北角既新酒店Hyatt Centric黎个暑假Staycation，贪Hyatt Centric够新又够平。$1,216包一晚海景客房（唔系最低级既房），The Farmhouse 自助早餐同自助午餐，算抵玩。不过唔知点解book完过几日就减价。系The Farmhouse 食个自助午餐先check-in！限左两轮时间，分别系12-1:30同2-3:30，本身我系book12-1:30，点知平日去都full左，唯有食2-3:30，点知前一晚又通知可以食12-1:30，不过其实得个半钟头食真系好赶。11:59到，已经见到有条超长人龙喺度排队等入，最后12:15先可以入座。一齐睇下有咩食啦！呢度野食分开两大区域，一区喺正门口，有刺身，寿司，沙律，冻海鲜，甜品同生果。另一区系喺另一个角落嘅热食区，有中西食物，印度野，粉面档，点心，即捞意粉等。冻海鲜得青口同虾，非常少选择。沙律菜有三款。我无试。杂锦寿司有三文鱼寿司同鳗鱼寿司，仲有卷物。另外有冷面。我都无试。刺身有希灵鱼，立鱼，吞拿鱼，三文鱼。希灵鱼细细件，都脆既。立鱼可以啦。吞拿鱼好厚切，成个正方体咁。三文鱼正常。刺
系The Farmhouse 食个自助午餐先check-in！限左两轮时间，分别系12-1:30同2-3:30，本身我系book12-1:30，点知平日去都full左，唯有食2-3:30，点知前一晚又通知可以食12-1:30，不过其实得个半钟头食真系好赶。11:59到，已经见到有条超长人龙喺度排队等入，最后12:15先可以入座。一齐睇下有咩食啦！
呢度野食分开两大区域，一区喺正门口，有刺身，寿司，沙律，冻海鲜，甜品同生果。另一区系喺另一个角落嘅热食区，有中西食物，印度野，粉面档，点心，即捞意粉等。
冻海鲜得青口同虾，非常少选择。沙律菜有三款。我无试。
杂锦寿司有三文鱼寿司同鳗鱼寿司，仲有卷物。另外有冷面。我都无试。
希灵鱼，立鱼，吞拿鱼，三文鱼
111 浏览
0 赞好
0 留言
刺身有希灵鱼，立鱼，吞拿鱼，三文鱼。希灵鱼细细件，都脆既。立鱼可以啦。吞拿鱼好厚切，成个正方体咁。三文鱼正常。刺身食完一转我就冇再添lu。
即制沙律有两款，就系凯撒沙律，同蓝芝士香梨火箭菜沙律。时间关系，我无机会试。
即制沙律隔离系面包同饼干。
冻肉有Salami，Mortadella，Salmon。
芝士有三款，系Parmasen，Cheddar，同Brie。我食左Brie，正常。芝士隔离有新鲜提子同果干。上面有四款捞好嘅沙律。呢度啲野食用玻璃柜装住其实就卫生啲既，不过麻烦嘅地方系一边有人攞紧野食，另一边个柜嘅柜门就一定要拉埋所以其他人就攞唔到野食。
水果有三款，分别系西瓜，蜜瓜，同菠萝。西瓜切到超大旧。三款水果味道都正常。
鲜果法式牛油酥饼，柠檬蛋白批，海盐朱古力挞，朱古力脆脆蛋糕，夏洛特蛋糕，芝士蛋糕
62 浏览
0 赞好
0 留言
甜品柜入面既甜品正常，有好有唔好：
鲜果法式牛油酥饼：正常
柠檬蛋白批：好轻盈，酸酸哋，好味道
海盐朱古力挞：唔错
朱古力脆脆蛋糕：一啲都唔脆，朱古力味又唔浓
夏洛特蛋糕：空气感好重，入面啲忌廉好滑，外面嘅蛋糕好软绵绵
芝士蛋糕：大大件又唔够浓厚，弃之可惜
栗子合桃蛋糕
法式焗梨挞
香槟烩梨啫喱
巴黎法式滋味
59 浏览
0 赞好
0 留言
至于呢个地中海主题自助餐之法式甜点就绝对系全餐最正既一部分！
巴黎法式滋味
73 浏览
0 赞好
0 留言
巴黎法式滋味有éclair，士多啤梨柠檬贝壳蛋糕。
éclair，圣安度蛋糕，焗云呢拿挞，迷你马卡龙，士多啤梨柠檬贝壳蛋糕
71 浏览
0 赞好
0 留言
无印象自助餐有éclair食！呢度éclair有四种味道，四种味道都几好食，入面都有同味道嘅忌廉，食落腍腍哋又唔过甜，正。
巴黎法式滋味
78 浏览
0 赞好
0 留言
圣安度蛋糕都好少自助餐有得食，味道合格。
迷你马卡龙卖相好靓，杏仁饼上面有少少金箔，入面有忌廉同士多啤梨。不过杏仁饼本身已经唔太脆。
红莓法式小蛋糕
即制杂莓忌廉芝士千层酥
64 浏览
0 赞好
0 留言
即制杂莓忌廉芝士千层酥：好有惊喜，第一次喺自助餐见到有得食即制杂莓忌廉芝士千层酥。三层千层酥夹住两层忌廉芝士，上面仲有新鲜无花果，黑莓，蓝莓同士多啤梨，卖相好靓。味道方面，千层酥虽然好厚，不过劲酥脆，超好食，啲忌廉芝士都好滑溜又唔腻，真系正。我encore左一件。
即制朱古力焦糖炖蛋：摆耐左冇食，块焦糖面已经融左，朱古力炖蛋都滑，不过劲甜，好腻。
焗云呢拿挞：正常
焗车厘子布甸
自家制雪糕
82 浏览
0 赞好
0 留言
雪糕虽然唔系名牌子，不过系自家制，而且放左系一个旋转雪糕柜，一共有10款口味，包括大路味如咖啡，云尼拿，士多啤梨，开心果，热情果，椰子，仲有少见既焦糖，意大利芝士蛋糕，清姜同香茅芒果。
士多啤梨，香茅芒果，开心果雪糕
57 浏览
1 赞好
0 留言
雪糕质素非常出色。开心果好正，好足料，有开心果肉又滑！滑溜既焦糖味配一粒粒榛子好好食。香茅芒果都好滑，香矛味好香。士多啤梨同椰子原来系雪吧。意大利芝士蛋糕都好味。最遗憾系太多人又无时间排队所以唔够喉
窝夫，雪糕toppings
62 浏览
0 赞好
0 留言
雪糕隔离有窝夫脆饼同toppings，好惊喜系有榛子同爆谷，加落雪糕度好正。
入口附近有汽水区。少见有自助汽水饮，有忌廉，可乐，Coke Zero，同雪碧。
即制铁板韩式烧牛肉，印度烤鸡
62 浏览
0 赞好
0 留言
终于到热食区啦！其实要行好远.....因为我地坐近门口。
呢度较有特色既就系师傅即制铁板韩式烧牛肉，可惜超韧，失望。
烤安格斯黑牛西冷，印度烤鸡
48 浏览
0 赞好
0 留言
烤安格斯黑牛西冷：我食左一件我觉得唔够嫩，不过同行友人好钟意仲系咁encore。
印度烤鸡：又干又鞋
印度野其实选择都唔多，得烤饼，饭同羊肉咖哩。羊肉好韧。
西式食物就多好多选择
蘑菇汤
纽伦堡香肠
法式红酒烩牛肉：牛肉好腍
黑松露薯蓉
烟肉洋葱法边豆：正常
即制捞Penne
阿根廷青酱烧春鸡：我拣左只全鸡脾食，都几嫩滑
意大利茄酱肉丸
番茄香草榄油烤三文鱼：三文鱼好嫩滑，唔错
烤腌杂菜：可以
蜜糖甘笋
烤新薯
话就话热食区，原来呢度都有沙律食。
中东包蔬菜沙律
土耳其干小麦香芹沙律
腌梛菜：少少酸几好食
古斯米沙律
鹰嘴豆泥：唔错
烤茄子泥
烧味
36 浏览
0 赞好
0 留言
中式食物有
薄荷柚子凤梨骨：味道可以
芫荽南乳炸鸡：我拣左件皮脆肉嫩嘅鸡脾食
金银蛋白菜仔：唔错，可以食多啲蔬菜
虾干猫耳百合浸胜瓜：正常
烧汁肥牛炒乌冬
烧鸭
豉油鸡
叉烧：试左一旧半肥瘦，不过瘦肉𠮶部份好韧
中式汤
点心有香菇鸡包，牛肉烧卖，莲蓉包，猪肉烧卖。不过卖相一啲都唔吸引，冇试到。
粉面档
40 浏览
0 赞好
0 留言
粉面档有两款面，两款汤底分别系清汤同喇沙。我拣左喇沙汤底，好味。配料选择都可以。
喇沙汤鲜虾，牛丸，猪肉丸，墨鱼丸，白菜，菇菌
47 浏览
0 赞好
0 留言
鲜虾又大又爽脆鲜甜
牛丸弹牙而多汁
猪肉丸都弹牙
墨鱼丸都弹牙
白菜
菇菌
冬瓜
鸡蛋
总括而言，其实食物种类算勉强可以，唔算太多，不过都够食，好食既野食唔算多，贵价野欠奉，不过都唔会够时间encore。甜品就非常惊喜，特别系即制杂莓忌廉芝士千层酥同自家制雪糕。虽然系咁，个人觉得成餐饭食得好辛苦，排完队坐低已经用左15分钟，得个几钟头食，人又多，要排队，已经系平日黎（虽然系暑假）。虽然服务员狂催我地要交枱，但系服务员态度可以，除左少部分厨师（特别系烧韩式牛肉个位叔叔）。个人觉得Cafe Kool既安排绝对好好多，野食又多d选择，真心下次唔好预我。勉强比个OK啦。
张贴
