i CREMERiA (已結業)

依家香港人咁鬼钟意抹茶 (绿茶)，卖抹茶产品嘅食肆开到成行成市!!!! 今日就去试咗呢间位于尖沙咀海港城Harbour City嘅I Cremeria!!! 除咗尖沙咀之外，佢系铜锣湾都有分店。我哋唔叫最普通嘅抹茶雪糕，决定试呢个，A姐食到合埋眼，哗哗声咁!!𠮶抹茶雪糕好滑，好浓抹茶味，同其他舖头嘅抹茶雪糕差唔多。反而𠮶牛奶云呢拿雪糕有惊喜，唔系好重奶味，沟番淡嘅绿茶味。最特别配埋柚子酱，甜甜地!!!贪心嘅我哋食芭菲就系为咗有得食啲脆米，令到成件事𠮶口感好丰富，有咬口!! 唔好以为完，仲有丸子，麻薯，绿茶啫喱同蒟蒻，真系食极都未完!!今次影得唔系好多相，因为𠮶雪糕好快溶，请见谅!!