i kitchen (已結業)

呢间观塘工厦入面既餐厅，企企理理，坐得好舒服，食物都好得，超正呀！先黎一个龙虾海鲜意大利粉，龙虾好大只😍系开边嘅龙虾，再加埋啲青口鱿鱼仔，全部海鲜都系新鲜，又弹牙又爽口🤓意大利粉呢就吸晒啲白酒，好入味好好食。然后再叫埋澳洲谷饲牛肉眼配松露烧汁，谷饲牛牛味突出，牛肉好大旧好厚身🤪肉眼位置牛肉好林，好易入口，肉质好好😝成块牛煎得啱啱熟，再加埋松露烧汁，食到淡淡松露味，好香好好食。另外叫埋意大利泡沫咖啡同埋朱古力咖啡，两杯咖啡都好香浓，意大利泡沫咖啡牛奶同咖啡混合得啱啱好，饮到咖啡嘅香醇，亦都带出奶嘅鲜味，而朱古力咖啡都唔会太甜，好适中，味道岩岩好。