正斗粥麵專家 (國際金融中心商場)

营业中

休息中

中西区周围都系西餐，要揾间中式餐厅有啲难。咁啱去开APPLE就喺IFC揾食，遇到正斗啱晒口味，想食粥清清肠胃，结果好有惊喜。男朋友要食淀粉质所以叫咗碗云吞面，佢话味道唔错，鲜虾弹牙，最钟意食细细粒嘅嘢。我就食咗田鸡粥，系呀，因为唔系好多地方有田鸡粥，所以想试下。啲粥好绵好绵，仲有两粒冬菇调味，田鸡都唔似急冻货，清清地都几好。跟住叫咗两个点心，一个流沙奶黄包一个马拉糕。都几有怀旧味道，似系用咗黑糖或者庶糖，微甜。流沙包放冻咗少少食都仲流心，超有奶香味。包身好软，值得一试。