五行 (已結業)

好耐冇见嘅朋友约食饭。佢系大忙人，当然要就佢返工，就喺IFC附近揾嘢食。见呢间拉面环境唔错，又即时有位，虽然贵少少都照入啦。睇下menu，午市供应拉面套餐，百五蚊（要加一）有一碗拉面加3旧寿司。喺IFC差唔多环境嘅餐厅嚟讲算唔太贵。两条友被安排坐吧台，可以见到师傅喺入面准备食物，服务亦都几周到嘅。叫咗一个『五行浓厚味噌拉面』，佢个碗系高身嘅，有啲似以前中国古代嘅酒杯。先饮一啖汤，有焦香味同味噌味，热度很够。汤底系猪骨煲成，好有猪油香。面系较粗身嘅，有弹性，几衬佢个汤底。叉烧同糖心蛋都做得唔错。至于𠮶三旧寿司就不过不失。